काठमाडौं । नेपाली कांग्रेसकी केन्द्रीय सदस्य उर्मिला थपलियाले भ्रातृ संस्था मरणासन्न अवस्थामा रहेको बताएकी छन् । यसको असर तीन तहको निर्वाचनमा परेको उनले बताइन् ।

सानेपामा जारी केन्द्रीय समिति बैठकमा बोल्दै उनले तरूण दलमा पनि आफ्नो गुटबाट माथि उठेर नेतृत्व नदिइएको बताइन् ।

“पद दिँदा घरको अंश काटेर दिने सोचबाट माथि उठ्न आग्रह गर्छु,” उनले भनिन् । उनले गठबन्धनका कारण स्थानीय तह निर्वाचनमा महिला उमेदवार मारमा परेको बताएकी छन् ।