काठमाडौं । स्थानीय तहको उपनिर्वाचनमा रुकुम पूर्व पुथाउत्तरगङ्गा गाउँपालिका २ को वडाध्यक्षमा जगत घर्ती निर्विरोध निर्वाचित भएको औपचारिक घोषणा भएको छ ।

कांग्रेस–एमालेको तर्फबाट उम्मेदवारी दिएका जीवन रोकाले उम्मेदवारी फिर्ता लिएपछि मुख्य निर्वाचन अधिकृतको कार्यालयले घर्तीलाई निर्वाचित घोषणा गरेको हो ।

यसैबीच गाउपालिका उपाध्यक्षमा पदमा उमेदवारी दिएका नेकपा माओवादी केन्द्रका उपाध्यक्षका उम्मेदवारलाई नेकपा एकीकृत समाजवादीले समर्थन गर्दै आफ्नो उम्मेदवारी फिर्ता लिएको छ ।
दुई दलको सहमतिपछि एकीकृत समाजवादीकी सुनिता बुढामगरले उम्मेदवारी फिर्ता लिएर माओवादीकी उम्मेदवार नरपुरा बुढालाई समर्थन जनाएकी छन् ।