काठमाडौँ । आउँदो चैत्र ८ देखि विश्वभर प्रदर्शन हुने आर बि मुभिजको ब्यानरमा निर्माण भएको मौलिक नेपाली चलचित्र “द्रौपदी” को नयाँ पोस्टर सार्वजनिक भएको छ ।    चलचित्रका लेखक/ निर्देशक  ऋषिराज आचार्यका अनुसार चलचित्र नेपाल सङ्गै  अमेरिका अस्ट्रेलिया लगायत विभिन्न देशहरूमा प्रदर्शनका लागि प्रदर्शकहरू सँग छलफल भइरहेको छ  । 

चलचित्रमा आश्विनी शाही , रवि ओड  , जेएलसन अधिकारी, सुजाता तिमल्सिना , कविराज भाम, प्रकाश ज्ञवाली , सीता बौडेल , विष्णु ठडराई , सुरज अधिकारी  सँगै निर्देशक आचार्यको अभिनय रहेको छ ।  चलचित्रका निर्माता ऋषिराज आचार्य र  प्रकाश ज्ञवाली हुन् । चलचित्रमा   सङ्गीत रवि ओडको रहेको छ भने पार्श्व सङ्गीत  सौरभ शर्मा बस्यालको रहेको छ । मोहन कुमार झिल्लुको छायाङ्कन  अनि अनिल महर्जनको सम्पादन रहेको चलचित्रमा विजय आचार्यले कला निर्देशन गरेका छन् । 

ऋतु आचार्य सह निर्माता रहेको चलचित्रका मुख्य सहायक निर्देशक सुजाता तिमल्सिना  र  महेश्वर आचार्य  रहेका छन् ।    चलचित्रको कथा, पटकथा, संवाद , गीत,  निर्देशकज आचार्यकै छ । 

एप्पल इन्टरटेनमेन्ट , रिच इन्टरटेन्टमेन्ट र एफ डी कम्पनी मिलेर  चलचित्रको वितरण गर्दै छन् । चलचित्र द्रौपदी डोल्पाको से फोक्सुन्डो लगायत विभिन्न रमणीय स्थलहरूमा छायाङ्कन गरिएको हो । नेपालको वास्तविक सुन्दरता यो चलचित्रमा देख्न सकिन्छ । चलचित्रको कथा महाभारतकी  पात्र द्रौपदी या नेपालको कुनै कथा हो खुलाइएको छैन ।  चलचित्र अन्तर्राष्ट्रिय बजारलाई समेत मध्यनजर गरेर बनाइएको बताइएको छ । चलचित्रले नेपालीपनको आभास गराउने र एक पृथक कथा भन्ने बताइएको छ । चलचित्रको मिडिया संयोजन लक्ष्मण सुवेदी र लोकराज अधिकारीले गरिरहेका छन् ।