श्रीलंका । श्रीलंकाको नयाँ सभामुखमा सांसद जगथ विक्रमरत्ने नियुक्त भएका छन् । संसदले मंगलबार सर्वसम्मतिले सत्तारुढ राष्ट्रिय जनशक्ति (एनपीपी)का सांसद जगथ विक्रमरत्नेलाई सभामुखमा चयन गरेको हो ।

विक्रमरत्नेलाई प्रधानमन्त्री हरिणी अमरसूर्याको मनोनयन प्रस्तावलाई संसदीय दलका नेता विमल रत्ननायकले समर्थन गरेका थिए ।

उपसभामुख रिजवी सालिहले सदनमा विक्रमरत्नेलाई नयाँ सभामुखमा सर्वसम्मतिले नियुक्त गरेको घोषणा गरे ।

शैक्षिक योग्यतालाई लिएर विवाद भएपछि गत १३ नोभेम्बरमा पूर्वअध्यक्ष अशोक सपुमल रानवालाले राजीनामा दिएका थिए ।

यसअघि विपक्षी दलले सभामुखलाई जापानी विश्वविद्यालयबाट पीएचडी गरेको विषयमा झुट बोलेको आरोप लगाएका थिए ।