काठमाडौँ । विश्व क्रिकेट लिग च्याम्पियनसिपअन्तर्गत जारी खेलमा नेपाललाई नामिबियाले २४० रनकोे लक्ष्य दिएको छ । कीर्तिपुरस्थित त्रिवि क्रिकेट मैदानमा आज टस हारेर ब्याटिङको निम्तो पाएको नामिबियाले निर्धारित ५० ओभरमा नौ विकेट गुमाउँदै २३९ रनको सम्मानजनक स्कोर बनायो । राम्रो सुरुवात गरेको उसका लागि कप्तान स्टेफन वार्डले अर्धशतकीय पारी खेल्दै ५१ तथा जेन ग्रिनले ४७ रन बनाए । त्यस्तै, सरेल बर्गरले अविजित ४३ तथा जेपी कोट्जेले ३२ रन जोडेपछि आज बलिङतर्फ नेपालले खराब सुरुवात ग¥यो ।   नेपालले पहिलो विकेटका लागि २०।४ ओभरसम्म कुर्नुप¥यो ।

तर युवा बलर सन्दीप लामिछानेले नामिबियाका कप्तान बार्डलाई पेवेलियन फर्काएपछि नेपाल खेलमा फर्कियो । त्यसपछि पुनः सन्दीपले सातौँ विकेट लिँदै विकेट सङ्ख्या दोब्बर पारे । त्यस्तै, वसन्त रेग्मी र शक्ति गौचनले पनि समान दुई÷दुई विकेट लिए ।  त्यसैगरी, विकेटकिपर विनोद भण्डारीले एक क्याच र एक स्टम्पिङ गराए भने शरद भेषवाकर, कप्तान पारस खड्का, सुशन भारी र नरेश बुढाएरले एक÷एकजना नामिबियाका खेलाडीलाई रन आउट गराए ।  नेपाली बलर अन्तिममा पुनः सम्हालिन नसक्दा अन्तिम पाँच ओभरमा नामिबियाले छक्का, चौका प्रहार गर्दै सम्मानजनक स्कोर बनाउन सक्यो ।

 आज नेपाली टोलीमा पारस खड्का, ज्ञानेन्द्र मल्ल, शरद भेषवाकर, शक्ति गौचन, वसन्त रेग्मी, सोमपाल कामी, विनोद भण्डारी, राजेश पुलामी मगर, सागर पुन, नरेश बुढाएर र सन्दीप लामिछाने छन् ।  प्रतियोगिताअन्तर्गत तेस्रो चरणको नामिबियाविरुद्धको पहिलो खेलमा नेपालले शनिबार उत्कृष्ट प्रदर्शन गर्दै पाँच विकेटले पराजित गरेको थियो । सो जितसँगै सन् २०१८ मा बङ्गलादेशमा हुने विश्वकप क्रिकेट छनोटमा सहभागिता जनाउने नेपालको सपना जीवितै छ ।  

यदि आजको खेलमा नेपालले नामिबियालाई पराजित गर्न सकेमा नेपालको अघिल्लो चरण प्रवेशको सम्भावना बलियो हुनेछ । सहभागी विभिन्न आठ टोलीमध्ये शीर्ष चारभित्र पर्ने टोलीले सन् २०१८ मा हुने विश्वकप छनोटका लागि प्रतिस्पर्धा गर्ने मौका पाउनेछन् । केहीबेरपछि नेपालको ब्याटिङ सुरु हुँदैछ ।