काठमाडौं । नेपाली बजारमा लगातार दुई दिन घटेको सुनको मूल्य आज बढेको छ । सुनको भाउ आज प्रतितोला नाै सयले बढेको हो।

सरकारले सुनको भन्सारमा आधा कटौती गरेपछि सोमबार झण्डै १६ हजारले घटेको सुन मूल्य हिजो मंगलबार २ हजार ७ सयले घटेको थियो।

आज छापावाल सुन तोलामा १ लाख ४९ हजार ६ सयमा कारोबार भइरहेको नेपाल सुनचाँदी व्यवसायी महासंघले जनाएको छ।

आज चाँदी तोलाको १८ सय ३० मा कारोबार भइरहेको छ। आज चाँदीकाे मूल्य प्रतितोला १० रुपैयाँले बढेको हाे ।