काठमाडौँ । भीम धिताल (स्माइल)को शब्द रचना र निर्देशनमा ‘तिमी त साँच्चै ब्युटिफूल’बोलको गीतको म्युजिक भिडियो सार्वजनिक भएको छ । टेक बिसी र रिता केसीको स्वर  भीम बिसीको सङ्गीत रहेको गीतको म्युजिक भिडियोमा राजीव समरको कोरियोग्राफी रहेको छ । अजय रेग्मीले खिचेको र टेकेन्द्र शाहले सम्पादन गरेको म्युजिक भिडियोमा सुरेन्द्र घलान, विनीता घलान र श्रेया बडुको अभिनय रहेको छ । भिडियो धितालकै  युट्युब च्यानलबाट गीत सार्वजनिक गरिएको हो । 

विगत चार वर्ष अघिदेखि यो क्षेत्रमा जोडिएका धितालले गीतसङ्गीत निर्माण, अभिनय, र निर्देशनमा समेत जोडिएर साङ्गीतिक यात्रालाई निरन्तरता दिइरहेका छन् । धितालले आफूसँग जोडिएका सर्जक सिर्जनाले राम्रो व्यापार गरेको खण्डमा सर्जकलाई आम्दानीको केही हिस्सा दिनेसमेत बताएका छन् ।