काठमाडौँ  । कवि तथा गीतकार एवं गीतकार सङ्घ नेपालको अमर भावना अक्षयकोषका संस्थापक   अमर वान्तु (अमर वान्तवा राई) लाई शिल्पी थिएटरले सम्मान गरेको छ । 

जीवित देवी कुमारीको विषयमा मञ्चन गरिएको नाटक अग्निचछुका लागि वान्तुले गरेको सहयोगका लागि उनलाई सम्मान गरिएको हो । उक्त नाटक गत जेठमा १६ दिन मञ्चन गरिएको थियो ।   वान्तुलाई घरमै पुगेर उक्त सम्मान हस्तान्तरण गरिएको थियो । 

गीतकार तथा समाजसेवी वान्तुले नेपाली गीत सङ्गीतको क्षेत्रमा थुप्रै मर्मस्पर्शी गीतहरू लेखेका छन् ।  उनका  ‘अमर भावना’ नामक एल्बमको दुई भाग तथा ‘परिभाषाका राटाहरु’ नामक कविता तथा गीति पुस्तक र थुप्रै फुटकर गीत सार्वजनिक छन् ।