काठमाण्डौँ । राजधानीको बसुन्धाराबाट एक व्यक्ति बन्दुकसहित पक्राउ परेका छन् । पक्राउ पर्नेमा परशुराम नगरपालिका, १ डडेल्धुराका सुरेश भण्डारी रहेका छन् । भण्डारीले बन्दुक बोकेर हिँडेको भनि आएको विशेष सुचनाको आधारमा महानगरीय प्रहरी प्रभाग बसपार्कका इन्सपेक्टर सुवास खड्का नेतृत्वको टोलीले बसुन्धाराको इसान बाल अस्पताल नजिकैबाट गएसाँझ पक्राउ गरेको हो ।

प्रहरीले भण्डारीको साथमा रहेको एक थान कटुवा पेस्तोलसहित त्यसमा लाग्ने तीन राउण्ड गोलीसहित नियन्त्रणमा लिइएको जनाएको छ । अभियुक्तले नेपालगन्जबाट मामा नाता पर्नेले अरु कसैलाई दिनको लागि सो पेस्तोल काठमाडौं पठाएको बताएका छन् । सोहि बन्दुक बोकेर आइतबार उनी नाइट बस चढेर काठमाडौं आइपुगेका थिए ।

यसबारे थप अनुसन्धान भइरहेको प्रहरीले जनाएको छ । अभियुक्तलाई नयाँ बसपार्कबाट थप अनुसन्धनको लागि मंगलबार महानगरीय प्रहरी बृत्त महाराजगन्ज लगिएको छ ।