काठमाण्डौ । कांग्रेस र एमाले कार्यकर्ताबीचको झडपका कारण स्थगित बझाङको जयपृथ्वी नगरपालिकाका दुई मतदान केन्द्रमा भोलि मतदान हुने भएको छ ।

वडा नम्बर ३ का ‘क’ र ‘ख’ बुथमा झडपपछि मतदान स्थगित भएको थियो । सर्वदलीय सहमतिपछि जिल्ला निर्वाचन कार्यालयले भोलिका लागि मतदान तोकेको हो ।

जयपृथ्वी नगरपालिका वडा नम्बर ३ को पाण्डु उच्च मावि केन्द्र पडेसमा कांग्रेस र एमालेबीच झडप भएपछि मतदान कार्य रोकिएको थियो । झडपमा कांग्रेसका उम्मेदवार प्रेम खड्का घाइते भएका थिए ।