काठकाण्डौँ । न्याय परिषद्का सचिव नहकुल सुवेदीलाई सर्वोच्च अदालतको मुख्य रजिष्ट्रार पदमा नियुक्त गरिएको छ । सुबेदी पहिलो पटक सर्बोच्चको मुख्य रजिष्ट्रारमा नियुक्त हुनुभएको हो ।

 
यो भन्दा अघि सर्वोच्च अदालतमा रजिष्ट्रार मात्रै रहने व्यवस्था थियो । एक वर्ष अघि ऐन संशोधन गरेर सर्वोच्चमा मुख्य रजिष्ट्रार रहने व्यवस्था गरिएको थियो ।

 
तर विभिन्न कारणले मुख्य रजिष्ट्रार नियुक्त हुन सकेको थिएन । आज बसेको न्याय सेवा आयोगको बैठकले सुवेदीलाई मुख्य रजिष्ट्रारमा नियुक्त गरेको हो ।

 
बैठकले सर्वोच्च अदालतका रजिष्ट्रार नृपध्वज निरौलालाई बेपत्ता छानबिन आयोगको सचिव बनाएर पठाएको छ भने राजन भट्टराईलाई न्याय परिषद्को सचिवमा नियुक्त गरिएको छ ।