काठमाडौं । अभिनयसँगै गायनमा समेत हात हालेका अभिनेता उमेश भट्ट अभिनीत पछिल्लो भिडियो ‘बस्यो है मायाँ’ सालैजो सार्वजनिक भएको छ । हीरा रनपाल र शान्ति श्री परियारको स्वर रहेको गीतको म्युजिक भिडियोलाई कोरियोग्राफरसमेत रहेका निर्देशक धनबहादुर तामाङ (सागर)ले निर्देशन गरेका हुन् । भिडियोमा रुविना अधिकारी हिरा रनापाल र पवित्र राम्तेलको पनि अभिनय रहेको छ । विजय लामाले खिचेको भिडियोलाई मिलन विश्वकर्माले सम्पादन गरेका हुन् । विष्णु भण्डारीको शब्द रहेको गीतमा लय हीरा रनपालको रहेको छ भने संगीत संयोजन भुवनप्रकाश बडूको र मिक्सिङ जीवन बडूको रहेको छ । उमेशले केही समयपहिले अस्मिता अधिकारीसँग गाएको तिम्रै मायाँ हो बोलको गीत सार्वजनिक गरेका थिए । पछिल्लो पटक अनु चौधरीसँग गाएको अर्को नयाँ गीत बजारमा ल्याउने तयारी गरेका छन् ।