काठमाडौं । एएफसी एसियन कप छनोटमा नेपालले यमनसँग गोलरहित बराबरी खेल्दै अंक बाँडेको छ । यससँगै नेपालले अंकको खाता खोलेको छ ।

मंगलबार भएको होम म्याचमा नेपालले यमनसँग गोलरहित बराबरी खेलेको हो । गोल नखाने नेपालको रणनीति सफल भएपनि जित भने हात पार्न सकेन ।

सशस्त्र प्रहरीको हलचौक मैदानमा भएको खेलमा खेल भएको हो । पहिलो खेलमा फिलिपिन्ससँग ४– १ ले पराजित भएको नेपालले अर्को खेल ताजकिस्तानसँग खेल्नेछ ।

मंगलबारको खेलपछि समूह एफमा रहेको नेपाल एकसहित तेस्रो स्थानमा छ । यमनसँग ४ अंकसहित शीर्ष स्थानमा उक्लिँदा फिलिपिन्स ३ अंकसहित दोस्रोमा छ भने अंकविहीन ताजकिस्तान पुछारमा छ ।