काठमाडौं – प्रधानमन्त्री केपी शर्मा ओलीले नेकपा उपाध्यक्ष वामदेव गौतमलाई भेटेका छन् । गौतमलाई भेट्न ओली शुक्रबार साँझ उनको निवास भैंसेपाटी पुगेका हुन् ।
प्रधानमन्त्री ओली आफूनिकट नेताहरूलाई लिएर भैंसेपाटी पुगेको गौतमका स्वकीय सचिव दीपक टमटाले जानकारी दिए । दुवै नेताबीच व्यक्तिगत र पारिवारिक कुराकानी भएको उनले बताए । केही दिनअघि घरभित्रै लडेर गौतमलाई सामान्य चोट लागेको थियो ।
त्यही कुरा सुनेर प्रधानमन्त्री आउनु भएको हो टमटाले बताए । उनका अनुसार उहाँहरुबीच कुनै पनि राजनीतिक कुराकानी भएन ।
टमताले त्यसो भने पनि प्रचण्ड-माधव पक्षले आजै नेकपा विभाजनको कानुनी मान्यताका लागि निर्वाचन आयोगलाई लिखित पत्र लेख्नुका साथै दलको नेतासमेत प्रचण्डलाई बनाएपछि पार्टी एकताको अभियान चलाइरहेका गौतमलाई भेट्न ओली भैंसेपाटी पुग्नुलाई अर्थपूर्ण रूपमा हेरिएको छ ।
प्रतिक्रिया