काठमाडौं । नेपाल क्रिकेट संघ (क्यान) ले जिल्ला र प्रदेशलाई क्रिकेट गतिविधि सञ्चालन गर्न बजेट निकासा गरेको छ ।
आइतबार क्यानले २९ जिल्ला र ६ प्रदेशलाई ग्रासरुट क्रिकेट विकासको लागि बजेट पठाएको हो । क्यानले जिल्लालाई ५० हजार र प्रदेशलाई एक लाखका दरले पैसा निकासा गरेको क्यानका कोषाध्यक्ष रोसन सिंहले जानकारी दिए ।
क्यानले बाँकी १० जिल्लाको बैंक खाता नआएका कारण पैसा निकासा गर्न नसकिएको जनाएको छ ।
बैंक खाता प्राप्त हुने बित्तिकै बाँकी जिल्लालाई समेत बजेट निकासा गरिने कोषाध्यक्ष सिंहले बताए । हाल क्यानमा ३९ जिल्ला आबद्द रहेका छन् ।
प्रतिक्रिया