काठमाडौँ– बागमती प्रदेशसभा बैठक बुधबार बस्ने भएको छ । प्रदेशसभा सचिवालयले सूचना जारी गर्दै बुधबार दिउँसो २ः १० बजेको लागि प्रदेशसभा बैठक आह्वान गरेको हो ।

बैठकमा प्रदेश सरकारले जारी गरेका अध्यादेशहरूका प्रतिस्थापन विधेयकहरू पेश हुने सम्भावित कार्यसूची रहेको प्रदेशसभा सचिवालयले जनाएको छ ।

सचिवालयका अनुसार बैठकमा निजामती कर्मचारीसम्बन्धी २ वटा अध्यादेशका प्रतिस्थापन विधेयक संसद् बैठकमा पेश गरिनेछ ।

मदन भण्डारी स्वास्थ्य विज्ञान प्रतिष्ठान ऐन २०७६ लाई जगाउन बनेको विधेयक पनि संसदमा पेश गरिनेछ ।