कुवेतमा ४ दिनमा ४३ जनामा कोरोना भाइरसको संक्रमण भटिएको छ ।

नोवेल कोरोना भाइरसको संक्रमण बिस्तार हुन नदिन इरानसँगको हवाई सेवा बन्द गर्नेसहितका उपाय अपनाए पनि कुवेतमा संक्रमण बिस्तार भएको छ ।

कुवेतमा गएको सोमबार पहिलोपटक एक व्यक्तिमा कोरोना भाइरस को संक्रमण भेटिएको थियो । अहिलेसम्म कुबेतमा कम्तिमा ४३ जनामा कोरोनाको संक्रमण पुष्टि भएको छ ।

कोरोना भाइरस का कारण छिमेकी इरानमा २६ जनाको मृत्यु भएको छ । ओमानले इरानसँगको केही हवाई सेवा बन्द गरेको छ । चीनबाट सुरु भएको कोरोना भाइरसको संक्रमण अहिले विश्वका ४० देशमा फैलिएको छ ।