काठमाडौँ । मोडल युविन ढुङ्गाना फेरी कलाकारितामा फर्केका छन् ।  थुप्रै म्युजिक भिडियो र टेलि चलचित्रमा अभिनय गरेका युविन केही समय कलाकारिता क्षेत्रबाट टाढिएका थिए । हाल उनी आफ्नै युविन इन्टरटेनमेन्ट नामक कम्पनी बाट कलाकारितामा फर्किएका हुन् । उनले निर्माण र  अभिनय गरेको नयाँ भिडियो ‘साँझको बेलैमा’ मङ्गलवार सार्वजनिक भएको हो । भिडियोमा ढुङ्गाना र सोफिया धरेलको अभिनय रहेको छ । 

हिमाल सागर र अनु चौधरीले गाएको गीतमा आसिक राईको शब्द सङ्गीत रहेको छ ।  उत्सव दाहालले खिचेको भिडियोलाई लक्ष्मण चौहानले सम्पादन र मिलन विश्वकर्माले रङ्ग संयोजन गरेका हुन । भिडियोको निर्देशन विक्रम चौहानले गरेका हुन् ।  युविनले लगातार गीत र भिडियो निर्माण गर्ने बताएका छन् । केही गीतको  अडियो तयार भैसकेको र केही गीतको अडियो तयार हुँदै गरेको र छिट्टै भिडियो निर्माणको तयारीमा जुटेको  ढुङ्गानाले जानकारी दिए । अब आउने  केही गीतहरूमा आफ्नो शब्द सङ्गीत रहेको पनि उनले बताए ।