काठमाडौं । प्रमुख प्रतिपक्षी नेपाली कांग्रेस, सत्तारुढ दलको एक घटक एमाओवादी र आन्दोलनरत संयुक्त लोकतान्त्रिक मधेसी मोर्चाबीच महाराजगंजस्थित कांग्रेस सभापति सुशील कोइराला निवासमा वार्ता भएको छ ।

मधेसमा चार महिनाभन्दा बढी समय देखि जारी आन्दोलनको सम्बोधनका विषयमा वार्ता केन्द्रित रहेको थियो । कांग्रेस सभापति सुशील कोइराला, एमाओवादी अध्यक्ष पुष्पकमल दाहाल, मधेसी मोर्चाका नेताहरु महन्थ ठाकुर, उपेन्द्र यादव, महेन्द्र यादव लगायतका नेतहरु छलफलमा सहभागी थिए ।

३ बजेदेखि करिब २ घण्टा कांग्रेस र मोर्चाका नेताबीच मात्रै छलफल भएको थियो भने ५ बजेपछि करिब २ घण्टा त्रिपक्षीय वार्ता भएको थियो।