काठमाडौं । गोविन्द मधुर आचार्यको बहु चर्चित गीत ‘एक दिन उज्यालो छाउला’ को अफिसयल म्युजिक भिडियो सार्बजनिक भएको छ । गीतमा स्वयं आचार्यले नै संगीत भरेका छन् भने दिनेश अधिकारी र गोविन्द मधुर आचार्यको संयुक्त शब्द रचना छ ।
गीतको म्युजिक भिडियोलाई निर्देशक तथा कोरियोग्राफर विक्रम चौहानले निर्देशन गरेका छन् । महेश महराको छायांकन, मिलन विश्वकर्माको सम्पादन रहेको गीतको कथामा सुशान्त कार्की र लक्ष्मी बर्देवा देखिएका छ्न् । उक्त गीत गोविन्द मधुरकै युट्युब च्यानल बाट सार्बजनिक गरिएको छ । २०५९/०६० सालतिर ‘कान्छीको रुमाल खस्यो पानीमा’ बोलको लोक दोहोरी गीतमा स्वर भरेर आफ्नो सांगीतिक यात्रा सुरु गरेका आचार्यले सोही गीतबाट केही सफलता र गायकको पहिचान प्राप्त गरेका थिए । त्यसयता २ दशक भयो संगीत कर्ममा निरन्तर जुटिरहेका छन् उनी ।

‘मर्छु बरु छट्पटीमा तिम्रो सामु पर्दिनँ म’ बोलको चर्चित गीतका संगीतकार आचार्यका ‘निरीमयाको’, ‘तिम्रो भइनँ भने’, ‘चोली फाट्यो कि मेरी आमाको’, ‘मलाई दुख्दा रुने त्यो मन’, ‘ओइलिएको फूल भयो’, ‘फूल भनुँ जिन्दगीलाई’, ‘जाउँला कान्छी जलजला’लगायतका गीतहरू दर्शक माझ लोकप्रीय छन् ।