काठमाडौँ – मनकामना स्मार्ट लघुवित्त वित्तीय संस्था लिमिटेडले गत आर्थिक वर्ष २०७८/७९ सम्मको वितरणयोग्य मुनाफाबाट लाभांश दिने भएको छ ।

लघुवित्तको सोमबार सम्पन्न सञ्चालक समितिको बैठकले हाल कायम चुक्तापुँजीको पाँच प्रतिशत लाभांश वितरण गर्ने घोषणा गरेको हो । कम्पनीले सोमध्ये ४.७५ प्रतिशत बोनस सेयर र कर प्रयोजनका लागि ०.२५ प्रतिशत नगद लाभांश दिने प्रस्ताव गरेको छ ।

नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण गरिनेछ ।