काठमाडौं। अर्थसचिव मधुकुमार मरासिनीले आगामी आर्थिक वर्षको बजेटमा कृषिलाई पहिलो प्राथमिकतामा राख्ने बताएका छन्। चितवनको भरतपुरतमा बुधबारदेखि चलिरहेको कृषि कर्जा मेलामा अर्थसचिवले कृषिमैत्री बजेट आउने प्रतिवद्धता जनाएका हुन् ।

अर्थ मन्त्रालय बजेट तयारीमा जुटेको छ । मन्त्रालयले आगामी आर्थिक वर्षको पहिलो छलफल कृषि क्षेत्रबाट सुरु गरेको छ ।आगामी बजेटको पहिलो प्राथमिकता कृषि हुनेछ। उनले भने।

सरकार कृषिको लागि अनुकुल वातावरण बनाउन तयारीमा रहेको उनको भनाई छ। कृषि प्रधान देश ६१ प्रतिशत कृषक रहेको भन्ने र वर्षमा अर्बौको कृषिजन्य वस्तु आयात हुने गरेको छ। यता युवाहरु भने रोजगारी नपाएको भन्दै विदेश जाने, यो भन्दा दुर्भाग्य के होला ? उनले भने।

सरकार अनुकुल वातावरण तयार गर्ने निकाय हो। निजी क्षेत्र, बैंकसँग कृषकले काम गर्ने हो । यसका लागि अनुकुल नीति बनाउन अर्थमन्त्रालय प्रतिवद्ध रहेको उनको भनाई छ ।

कृषिको मूल्य श्रृंखला जोडेर हाम्रो उत्पादनले उच्च मूल्य पाउने अवस्था रहँदा पनि कृषि क्षेत्र पछाडि परेको छ । हामीले अन्यत्रको बजार नभए पनि मध्यपुर्वको बजार समात्न सक्छौं । उनले कृषिको लागि केही कानुनी सुधार गर्नुपर्ने भए त्यसको लागि सरकार तयार रहेको बताए।

किसानमा वित्तीय साक्षरताको कमी समस्याका रुपमा रहेको उनको भनाइ छ।