काठमाडौँ — पत्रकार कमलराज राईको हृदयघातका कारण बिहीबार निधन भएको छ । हृदयघातका कारण ४५ वर्षको अल्पायुमै निधन भएको नेपाल पत्रकार महासंघका महासचिव रोसन पुरीले जनाएका छन् ।

माघ २० गते बिहीबार दिउँसो हृदयघात भएपछि उपचारका लागि तत्काल मित्रपार्कस्थित नेपाल-भारत मैत्री अस्पताल पुर्‍याइएका पत्रकार राईको उपचारकै क्रममा सोही दिन दिउँसो ४ बजे निधन भएको हो ।

लामो सयमदेखि काठमाडौंमा रही सक्रिय पत्रकारिता गरिरहेका पत्रकार राई पछिल्लो समय प्रभाव दैनिकमा सम्पादकका रूपमा कार्यरत थिए ।