काठमाडौँ – क्रिस्टियानो रोनाल्डो म्यानचेस्टर युनाइटेडको प्रशिक्षणमा सहभागी भएका छन् । बेलायतको स्वास्थ्य मापदण्ड अनुसार आफ्नो पाँच दिनको क्वारेन्टाइन पुरा गरेर रोनाल्डो मंगलबारको म्यानचेस्टर युनाइटेडको प्रशिक्षणमा सहभागी भएका हुन् ।

रोनाल्डो प्रशिक्षणमा सहभागी हुनुअघि युनाइटेडका प्रशिक्षक ओले गुन्नार सोल्स्करसँग उनको कार्यालयमा भेट गरेका थिए । रोनाल्डो यस अघि युनाइटेडमा खेल्दा सोल्स्करसँग खेलेका सहकर्मी पनि हुन् ।

रोनाल्डोले आगामी शनिबार हुने युनाइटेडको न्यूक्यासलविरुद्धको खेलमा डेभ्यु गर्ने तयारीमा रहेका छन् । त्यसैका लागि रोनाल्डोले समय खेर नफाली प्रशिक्षण शुरु गरेको बताइएको छ ।