काठमाडौं – महालेखा परीक्षकको ५८ औं प्रतिवेदनले स्वास्थ्य तथा जनसंख्या मन्त्रालय र मातहतका निकायमा झन्डै ७ अर्ब रुपैयाँ बेरुजु देखाएको छ । प्रतिवेदनले स्वास्थ्यमा ६ अर्ब ८९ करोड ४७ लाख ३३ हजार रुपैयाँ बेरुजु देखाएको हो।

राष्ट्रपतिलाई शुक्रबार बुझाइएको उक्त प्रतिवेदन अनुसार सरकारी कार्यालयतर्फ १२ निकायमा १ अर्ब ८४ करोड २३ लाख १४ हजार बेरुजु छ। जसमध्ये १ अर्ब २ करोड म्याद नाघेको पेस्की छ।

संगठित, अन्य संस्था र समितितर्फ २६ कार्यालयमा ५ अर्ब ५ करोड २४ लाख १९ हजार बेरुजु छ। जसमध्ये ७२ करोड ५६ लाख १ हजार रुपैयाँ म्याद नाघेको पेस्की छ।