मृत्यु हुनेमा २८ वर्षीय शीर कुमारी बुढा, उनका ४ वर्षीय छोरा असल बुढा, ३८ वर्षीय जय बुढा, ३६ वर्षीय मूलज्योति बुढा, ९ वर्षीय देवस्थी बुढा र २ वर्षीय करिश्मा बुढा रहेका छन् ।

पुरिएको घरमा दुई परिवारका ६ जना बस्दै आएका थिए । दुईतले ढुंगे घरको माथिल्लो तला र तल्ला तलामा सुतिरहेका ६ जनालाई पहिरोले पुरेको थियो । पहिरोमा घरमा रहेका चौपाया पनि पुरिएका छन् ।

पछिल्लो केही दिनदेखि लगातार आएको अबिरल बर्षाका कारण जिल्लाभरको बिभिन्न स्थानहरुमा लगाइएको कृषि बालीमा समेत ठुलो क्षति पुगेको छ ।

सदरमुकाम बाहिरका अधिकांश ग्रामिण सडगहरु पनि पहिरोका कारण अबरुद्ध हुदाँ आवतजावत गर्न कठिनाई भएको बताइएको छ