काठमाडौं । नेपाल प्रिमियर लिग (एनपिएल) मा सुदूरपश्चिम रोयल्सले पोखरा एभेन्जर्सलाई पराजित गरेको छ । आइतबार भएको खेलमा सुदूरले पोखरालाई पाँच रनले हराएको हो जितसँगै सुदूर ६ खेलबाट १० अंक बटुल्दै शीर्ष स्थानमा उक्लिएको छ । सुदूरले लिगचरणको अन्तिम खेल मंगलबार कर्णाली याक्ससँग खेल्ने छ ।

सुदूरले दिएको १५४ रनको लक्ष्य पछ्याएको पोखराले १९.४ ओभरमा सबै विकेट गुमाउँदै १४८ रन मात्रै बनाउन सक्यो । लिगमाजनकपुर बोल्ड्स १० अंकसहित दोस्रो स्थानमा रहँदा चितवन राइनोज, कर्णाली र काठमाडौं गुर्खाजको समान आठ अंक छ ।