काठमाडौं । जारी नेपाल प्रिमियर लिग (एनपिएल)अन्तर्गत आज आइतबार पनि दुई खेल हुँदै छन् ।

पहिलो खेल बिहान सबा ९ बजे काठमाडौं गुर्खाज र विराटनगर किंग्सबीच हुनेछ भने दिउँसो सवा १ बजे हुने दोस्रो खेलमा पोखरा एभेन्जर्स र सुदूरपश्चिम रोयल्स भिड्नेछन् । दुवै खेल त्रिभुवन विश्वविद्यालयको मैदान हुनेछन् ।

दुवै टोलीको यो समूह चरणको अन्तिम खेल हो । यसअघिका ६ खेलमध्ये काठमाडौं तीन खेलमा विजयी भएको छ । विराटनगर किंग्सले ६ मध्ये दुई खेल मात्र जितेको छ । पोखराको यो अन्तिम खेल हो ।

उसले पनि दुई खेल मात्र जितेको छ । सुदूरपश्चिमको भने यो छैटौँ खेल हो । यो टोली चार खेलमा विजयी भएको छ ।