रुपन्देही । रुपन्देहीमा जिप दुर्घटना हुँदा एक दम्पतीसहित तीनजनाको मृत्यु भएको छ ।

पूर्वपश्चिम राजमार्गको बुटवलको तिनाउ नदी पुलमा अनियन्त्रित भएर लु २ च २४८० नम्बरको जिप दुर्घटना हुँदा एक दम्पतीसहित तीन जनाको मृत्यु भएको हो ।

दुर्घटनामा बुटवल उपमहानगरपालिका–१२, नयाँगाउँका ७१ वर्षीय तिलकराम खनाल, उनकी श्रीमती ६७ वर्षीया गौरी खनाल र जिप चालक ३२ वर्षीय हरि न्यौपानेको मृत्यु भएको इलाका प्रहरी कार्यालय बुटवलका प्रहरी नायब उपरीक्षक विजयराज पण्डितले जानकारी दिए ।

उनका अनुसार बिरामी गौरी खनाललाई शुक्रबार राति उपचारका लागि नयाँ गाउँबाट लुम्बिनी प्रादेशिक अस्पताल ल्याउने क्रममा जिप पुलको डिभाइडरमा ठोक्किएर पल्टिएको थियो । शव पोष्टमार्टमका लागि लुम्बिनी प्रादेशिक अस्पतालमा पठाइएको प्रहरीले जनाएको छ ।