काठमाडौं । इंग्लिस प्रिमियर लिग फुटबलमा म्यानचेस्टर सिटी र एस्टोन भिल्ला विजयी भएका छन् । गएराति भएको खेलमा सिटीले ले वाटफोर्डलाई पराजित गर्दा एस्टोन भिल्लाले आर्सनल माथि जीत दर्ता गरेको हो ।
गएराति भएको खेलमा सिटीले वाटफोर्डलाई ४–० ले स्तब्ध बनायो ।

सिटीको जीटमा रहिम स्र्टलिङले दुई तथा फिल फोडेन र एम्रिक लापोर्टेले एक एक गोल थपेका थिए । ३१ औं मिनेटमा स्र्टलिङले अग्रता दिलाएका थिए ।

४० औं मिनेटमा पाएको पेनाल्टीमा स्र्टलिङले व्यक्तिगत र टिमका लागि दोस्रो गोल गरे । पहिलो हाफमा २ गोल गरेको सिटीले दोस्रो हाफमा पनि २ गोल थपेको थियो । ६३ औं मिनेटमा फोडेनले गोल गर्दै सिटीको अग्रता ३–० मा पुर्‍याए । ६७ औं मिनेटमा लापोर्टेले गोल गर्दै सिटीलाई ४–० को सहज अबस्थामा लगे । त्यसपछि थप गोल नभएपछि सिटी फराकिलो अन्तरले विजयी भयो ।

जितसँगै दोस्रो स्थानको सिटीले ३७ खेलमा ७८ अंक जोडेको छ ।  यस्तै आर्सनलविरुद्ध एस्टोन भिल्लालाई मोहम्मद हसनले २७ औं मिनेटमा गरेको गोल नै स्पष्ट तीन अंक दिलाउन पर्याप्त बन्यो ।