काठमाडौँ – बिग बाश लिगमा होबार्ट हुरीक्यान्स पराजित भएको छ । विहिबार सम्पन्न खेलमा सिड्नी ठण्डरले हुरीक्यान्सलाई ३९ रनले पराजित गरेको हो । सिड्नी ठण्डरले दिएको १६८ रनको लक्ष्य पछाएको हुरीक्यान्स २० ओभरमा ८ विकेट गुमाउदै १२८ रन मात्र बनाए पछि हुरीक्यान्सले खेल ३९ रनले हारेको हो । यस अघि ठण्डरले टस हारेर पहिला ब्याटिंग गर्दै २० ओभरमा ५ विकेट गुमाएर १६७ रन बनाएको थियो ।

यस खेलमा नेपाली खेलाडी सन्दीप लामिछानेले ४ ओभरमा २३ रन दिएर ठण्डरका कप्तान कलुम फेर्गुसनलाई आउट गरेका थिए । यो जितपछि सिड्नी ठण्डर ८ खेलमा २२ अंक भएको छ भने लिगमा शिर्ष स्थानमा रहेको छ । त्यस्तै हुरीक्यान्सको भने ९ खेलमा १९ अंक भएको छ र लिगमा तेस्रो स्थानमा रहेको छ । अब हुरीक्यान्सले अर्को खेल जनवरी १२ मा पार्थ स्कोर्चर्ससँग खेल्ने छ ।