खस्यौली । प्रदेश नं ५ को प्रदेशसभामा विपक्षी दल नेपाली काङ्ग्रेस संसदीय दलका नेतामा वीरेन्द्रकुमार कनौडिया मंगलबार सर्वसम्मत चयन भएका छन् । पार्टी संसदीय दलको बैठकले उनलाई दलका नेताका रुपमा चयन गरेको प्रदेश नं ५ प्रदेशसभा काङ्ग्रेसका सचेतक निर्मला क्षेत्रीले जानकारी दिइन् । कनौडिया यसअघि दलका उपनेता थिए।

कपिलवस्तु ३ (ख)बाट निर्वाचित उनलाई दलका नेतामा प्रमुख सचेतक सुुरेन्द्र हमालले प्रस्ताव र प्रदेशसभा सदस्य डिल्ली चौधरीले समर्थन गरेका थिए । गत माघ ८ गते संसदीय दलका नेता बलदेव शर्मा पोखरलको निधनपछि कनौडिया कार्यवाहक नेता भएका थिए । संसदीय दलका उपनेताको पद भने रिक्त छ ।