अभियानक्रममा पार्टी र संयोजित संगठन केन्द्रीय एवं प्रदेश कार्यसमिति सदस्यले कम्तीमा तीन साता आफ्नो निर्वाचन क्षेत्रमा अनिवार्य बसेर संगठन निर्माण र जनसम्पर्कका कार्य गर्नुपर्ने छ ।

यसैगरी, २४ र २५ साउनमा केन्द्रीय प्रशिक्षक प्रशिक्षण र भदौभित्र जिल्लास्तरीय प्रशिक्षक प्रशिक्षण कार्यक्रम आयोजना गर्ने निर्णयसमेत राप्रपा बैठकले गरेको छ ।

त्यस्तै, माघबाट स्थानीयतहदेखिका परिषद् बैठक आयोजना र महाधिवेशन प्रतिनिधि निर्वाचन प्रारम्भ गरिने राप्रपाको निर्णय छ ।

सक्रिय सदस्य वितरणलाई अभियानका रूपमा सञ्चालन र तीन लाख सदस्य पु¥याउने, मंसिर अन्तिम सातादेखि चतराधाम–त्रिवेणी हिन्दुराष्ट्र पुनस्र्थापना संकल्प यात्रा प्रारम्भ गर्नेसमेत राप्रपाले निर्णय गरेको छ ।

यसैगरी, समान विचारधारा भएका दलबीच एकता गर्ने राप्रपा (संयुक्त)को निर्णयलाई समेत बैठकले स्वागत गरेको छ भने अविलम्ब एकता प्रक्रियामा आउन पनि आह्वान गरेको छ ।

पार्टीले सरकारसमक्ष बुझाएको २२बुँदे माग पूरा गराउने सम्बन्धमा सरकारसँग दोस्रो चरणको वार्ता गर्ने निर्णय गरिएको बैठकपछि जारी विज्ञप्तिमा उल्लेख छ ।