प्रधानमन्त्री शेरबहादुर देउवाले पार्टी केन्द्रीय कार्यसमिति बैठक सोमबार नसकिएका कारण मन्त्रिपरिषद् विस्तार गर्न नसकेको भन्दै मंगलबार (आज) गर्ने तयारी गरेका छन ।

देउवाले सोमवार नै पार्टीका बरिष्ठ नेता रामचन्द्र पौडेल र सत्ता साझेदार नेकपा माओबादीका अध्यक्ष पुष्प कमल दाहालसंग भेटगरी मंगलबार मन्त्रीपरिषद बिस्तार गर्ने जनाई सकेको छन । बरिष्ठ नेता पौडेलसंग मन्त्रालयका बिषयमा कुरा नमिलेका कारण देउवाले माओबादी अध्यक्ष दाहाल र नेता पौडेलसंग संयुत्त छलफल गर्दैछन ।

दाहाल र पौडेलले भौतिक र संचार मन्त्रालयको दाबी नछाडेका कारण सहमति नभए पछि देउवाले दुबै नेतालाई संगै राखेर बिबाद टुंगो लगमउन खोजेका हुन । आइतबार माओवादी केन्द्रका अध्यक्ष पुष्पकमल दाहालसँगको छलफलमा देउवाले कांग्रेसको केन्द्रिीय कार्य समितिको बैठक सकिए सोमबार नै मन्त्रिपरिषद् विस्तार गर्ने वचन दिएका थिए।

दाहालले मन्त्रिपरिषद् विस्तारमा धेरै ढिलाइ भएको भन्दै प्रधानमन्त्रीको आलोचना गरेका थिए। पार्टी बैठकमै सरकार सुस्त भएको भन्दै प्रधानमन्त्री देउवाको चर्को आलोचना भएको थियो ।
माओवादी केन्द्रले मन्त्रिपरिषद्मा जानेको नाम टुंगो लगाए पनि कांग्रेसमा भने अझै टुंगो लाग्न सकेको छैन । कांग्रेसभित्रै वरिष्ठ नेता रामचन्द्र पौडेल पक्षलाई ५, पूर्वमहामन्त्री कृष्णप्रसाद सिटौला र नेता खुमबहादुर खडका पक्षबाट एकरएक जना भागबन्डाका आधारमा मन्त्री बनाउने तयारी देउवाको छ । पौडेल पक्षबाट बलबहादुर केसी, रामकृष्ण यादव, राजेन्द्रकुमार केसी, सरिता प्रसाईं, कमला पन्तलगायतको नाम चर्चामा छ ।

 
यसअघि मन्त्री र राज्यमन्त्री भइसकेकालाई दोर्होयाउन नहुने दबाब पौडेल पक्षमा छ। सिटौला पक्षबाट भीमसेनदास प्रधान र खड्का पक्षबाट मोहनबहादुर बस्नेतलाई मन्त्रीमा पठाउने तयारी छ। प्रधानमन्त्री देउवालाई आफ्नै समूहबाट मन्त्री छान्न पनि धौ–धौ परेको छ । मन्त्री बनाउनेहरूमा समावेशी र भौगोलिक सन्तुलन मिलाउन पार्टी्भित्रैबाट देउवालाई तीव्र दबाब छ। देउवा पक्षबाट भरत शाह, मीन विश्वकर्मा, अम्बिका बस्नेत, भीष्म आङदम्बे, अर्जुन जोशीलगायतको नाम चर्चामा छ।

माओवादीले मन्त्रीको नाम टुंग्याए पनि सार्वजनिक गरेको छैन। स्रोतका अनुसार माओवादी केन्द्रबाट गिरिराजमणि पोखरेल, महेन्द्रबहादुर शाही, आशा खनाल, टेकबहादुर बस्नेत, सीता नेपालीलगायतको नाम मन्त्रीको लिस्टमा समावेश भएको चर्चा छ। फोरम लोकतान्त्रिकले भने यसअघि नै मन्त्री भएका जितेन्द्र देव र गोपाल दहितलाई पठाउने भएको छ । कांग्रेसबाट १०, माओवादी केन्द्रबाट ६ र लोकतान्त्रिक फोरमबाट २ समेत गरी सोमबार १८ मन्त्री थप गर्ने तयारी देउवाले गरेका छन् ।