काठमाडौं – नेपाली कांग्रेसले आफ्नै नेतृत्वमा सरकार गठन गर्ने भएको छ । आइतबार बसेको कार्यसम्पादन समितिको बैठकले कांग्रेसको नेतृत्वमा आगामी सरकार बनाउनका लागि गठबन्धन र अन्य दलसँग वार्ता र संवाद गर्ने निर्णय गरेको प्रवक्ता डा. प्रकाशशरण महतले जानकारी दिए ।
गठबन्धनको सरकार बनाउन दुई सिट कम रहेकाले अन्य दलसँग पनि संवाद र परामर्श सुरु गरिएको उनको भनाई छ । कांग्रेस ठूलो दल भएकाले आफ्नो नेतृत्वमा सरकार गठन हुनु स्वभाविक रहेको महतले बताए ।

कांग्रेसले संसदीय दलको नेता चयन प्रक्रियाका लागि सहमहामन्त्री भीष्मराज आङदेम्बेको नेतृत्वमा पुष्पा भूसाल र प्रकाश रसाइली स्नेही रहेको तीन सदस्यीय निर्वाचन समिति गठन गरेको छ ।

कांग्रेसले चार दिनभित्रै दलको नेता चयन गर्ने तयारी गरेको छ ।