काठमाडौं । प्रधानमन्त्री केपी शर्मा ओलीले तीनकुने घटनामा घटेका सबै गतिविधि निन्दनीय र खेदजनक भएको बताएका छन् ।

सोमबार प्रतिनिधिसभा बैठकमा सम्बोधन गर्दै उनले उक्त घटनामा संलग्न जोसुकै भए पनि कारबाहीको दायरामा ल्याउने बताएका छन् ।

‘यी सबै निन्दनीय र खेदजनक कार्य हुन्,’ पूर्वराजाप्रति संकेत गर्दै प्रधानमन्त्री ओलीले भनेका छन्, ‘यस्ता घटनामा संलग्नमाथि जुनसुकै तवरमा किन नहुन्, कडा प्रशासनिक कारबाही हुन्छ ।’

साथै, उनले सोही दिन समाजवादी मोर्चाले गरेको कार्य शान्तिपूर्ण भएको भन्दै दलहरूलाई धन्यवाद समेत दिएका छन् ।