काठमाडौं । काठमाडौं महानगरपालिकाले शुक्रबार तीनकुने क्षेत्रमा राजावादीहरूले गरेको प्रदर्शनका क्रममा सार्वजनिक सम्पत्तिमा क्षति पुर्‍याएको भन्दै पूर्वराजा ज्ञानेन्द्र शाहलाई जरिवाना गरेको छ । महानगरले निर्मल निवासलाई पत्र लेख्दै जरिवाना गरेको हो ।

महानगरपालिकाले पूर्वराजा ज्ञानेन्द्र शाहलाई एकैपटक ८ वटा पत्र काटेर जरिवाना र क्षतिपूर्ति माग गरेकाे हाे । शुक्रबारकै मितिमा काटेर शनिबार सार्वजनिक भएको पत्रको चलानी नम्बर ४५५ देखि ४६२ सम्म रहेका छन् ।

तीनकुनेमा आयोजना गरिएको सडकपेटीमा जथाभावी फोहोर गरेकाले १ लाख जरिवाना गरिएको छ । यस्तै महादेवस्थान क्षेत्रको सडक तथा सडक पेटीमा फोहोर १ लाख, महानगरको , दमकल फुटाएकामा १ लाख ३० हजार क्षतिपूर्ति, वातावरण प्रदूषण गरेकोमा १ लाख जरिवाना गराइएको छ ।

यस्तै जडीबुटी क्षेत्रको सडक तथा फुटपाथमा क्षति गरेकामा १ लाख, बालकुमारी क्षेत्रको सडक तथा फुटपाथमा क्षति गरेकोमा १ लाख, तीनकुनेमै बोटबिरुवा र रेलिङ क्षति गरेकोमा ६३ हजार र सिनामंगल क्षेत्रमा फोहोरमैला गरेकोमा थप १ लाख जरिवाना गरिएको महानगरपालिकाले जनाएको छ ।

प्रदर्शनको योजनाकार ज्ञानेन्द्र नै भएकाले राप्रपालगायत अन्य पार्टीलाई भन्दा पनि निर्मल निवासलाई नै पत्र पठाउने निष्कर्षमा महानगर पुगेको हो । काठमाडौँ महानगरपालिकाले पूर्वराजा ज्ञानेन्द्र शाहलाई एकैपटक ८ वटा पत्र काटेको छ ।

पूर्वराजाको सहमतिमा शुक्रबार राजावादीले राजधानीको तीनकुने क्षेत्रमा प्रदर्शन गरेकामा फोहोरमैला गरेको लगायतका कारण देखाउँदै महानगरले जरिवाना र क्षतिपूर्ति माग गर्दै पत्र काटेको हो । 

शुक्रबारकै मितिमा काटेर शनिबार सार्वजनिक भएको पत्रको चलानी नम्बर ४५५ देखि ४६२ सम्म रहेका छन् ।  तीनकुनेमा आयोजना गरिएको सडकपेटीमा जथाभावी फोहोर गरेकाले १ लाख जरिवाना गरिएको छ । यस्तै महादेवस्थान क्षेत्रको सडक तथा सडक पेटीमा फोहोर १ लाख, महानगरको , दमकल फुटाएकामा १ लाख ३० हजार क्षतिपूर्ति, वातावरण प्रदूषण गरेकोमा १ लाख जरिवाना गराइएको छ । 

यस्तै जडीबुटी क्षेत्रको सडक तथा फुटपाथमा क्षति गरेकामा १ लाख, बालकुमारी क्षेत्रको सडक तथा फुटपाथमा क्षति गरेकोमा १ लाख, तीनकुनेमै बोटबिरुवा र रेलिङ क्षति गरेकोमा ६३ हजार र सिनामंगल क्षेत्रमा फोहोरमैला गरेकोमा थप १ लाख जरिवाना गरिएको महानगरपालिकाले जनाएको छ ।

शुक्रबार राजवादीहरूको प्रदर्शनको क्रममा भएको आगजनीलाई नियन्त्रण गर्न पुगेको महानगरका सवारीलगायत सम्पत्तिमा तोडफोड भएको थियो । त्यसपछि महानगरले एउटा समिति नै बनाएर पुगेको क्षतिको अध्ययन गरेको थियो । महानगरका अनुसार अध्ययनले करिब १० लाख बराबरको क्षति पुगेको देखिएको छ ।

दुर्गा प्रसाईं नेतृत्वको राजा फर्काउने अभियानमा राप्रपाका नेताहरूको सहयोग भए पनि घटनाको मुख्य जिम्मेवार निर्मल निवास भएको निष्कर्षसहित महानगरले ज्ञानेन्द्रलाई पत्र पठाएको हो ।