देशान्तर मिडिया प्रा. लि
सूचना विभागमा दर्ता नं. : १४७१/०७६–७७
Office: ग्रविटी टावर, अनामनगर - ३२ काठमाडौँ
Phone: +९७७ ०२४-५२०५५५
Admin: radiodeshantar@gmail.com
News: deshantarweekly@yahoo.com

भारतमा सवारी दुर्घटना : चार नेपालीको मृत्यु

देशान्तर

काठमाडौं । भारतमा सवारी दुर्घटनामा परी चारजना नेपालीको मृत्यु भएको छ। मृतकहरू तीर्थ यात्रामा हिँडेका दाङ तुलसीपुरका हुन् । दाङको तुलसीपुरबाट भारतमा तीर्थ यात्राका लागि गएको स्कार्पियो गाडी दुर्घटना हुँदा चारजनाको मृत्यु भएको हो ।

बिहीबार बिहान तुलसीपुरबाट तिर्थ यात्राका लागि गएको युपी ३१ एसी ७२०० नम्बरको स्कार्पियो भारतको बहराइचमा दुर्घटना भएको थियो । तुलसीपुर उपमहानगरपालिका वडा नम्बर ७ का वडाध्यक्ष रामबहादुर जिसीले भारतमा भएको दुर्घटनामा परी गाडी चालक तुलसीपुर–७ पर्सेनी निवासी अन्दाजी ३७ वर्षीय युवराज चापागाईंसहित चारजनाको मृत्यु भएको खबर प्रप्त भएको बताए ।

अन्य तीनजनाको नाम भने खुलेको छैन । गाडीमा नौजना सवार थिए । गाडीमा सवार अरु घाइते भएका छन् । उनीहरू सबैजना तुलसीपुरकै रहेको अनुमान गरिएको छ ।