कीर्तिपुर नगरपालिकाको मेयरमा कांग्रेसका उम्मेदवार कृष्णमान डंगोलले अग्रता कायम राखेका छन् । प्राप्त पछिल्लो मत परिणाम अनुसार डंगोलले कुल १३१३ मत ल्याएर सहज अग्रता बनाएका हुन् ।

उनलाई एमाले र माओवादी उम्मेदवारहरूले पछ्याइरहेका छन् । एमालेका डा. सुरेन्द्र मानन्धरले ९७८ मत ल्याएका छन् । यस्तै, माओवादीका शिवशरण महर्जनले ७१४ मत पाएका छन् । अहिलेसम्म कुल ४९०९ मत गणना सम्पन्न भइसकेको छ ।

कीर्तिपुरमा वडा नम्बर १ को मतगणना सकिएर अहिले वडा नम्बर ४ को मतगणना भइरहेको छ । वडा नम्बर १ मा कांग्रेस पहिलो हुँदा स्वतन्त्र उम्मेदवार राजमान महर्जन दोस्रो, माओवादी तेस्रो र एमाले चौथो रहेका थिए । वडा नम्बर ४ को गणनापछि भने एमाले दोस्रो स्थानमा उक्लिएको छ ।

कैँची चुनाव चिह्न भएका दिनेशकुमार अधिकारीले ६३१ मत ल्याउँदा केटा र केटी चुनाव चिह्न भएका राजमान महर्जनलाई ५२० मत प्राप्त भएको छ । यस्तै राष्ट्रिय प्रजातन्त्र पार्टीका उम्मेदवार ध्रुव महर्जनले अहिलेसम्म २२७ मत ल्याएका छन् ।