काठमाडौ । नेपाली कांग्रेसका सांसद एवम पूर्वमहामन्त्री डा. शशांक कोइरालाले नेपाललाई हिन्दुराष्ट्र बनाउने अभियानमा हस्ताक्षर गरेका छन् ।

कांग्रेस केन्द्रीय सदस्य शंकर भण्डारीको नेतृत्वमा रहेको हिन्दुराष्ट्र नेपाल स्थापना महाअभियानमा महासमिति सदस्यहरूको हस्ताक्षर संकलन केन्द्रमा मंगलबार पुगेर कोइरालाले हस्ताक्षर गरेका हुन् ।

अहिलेसम्म ३१ केन्द्रीय सदस्य र ४०० महासमिति सदस्यले अभियानको समर्थनमा हस्ताक्षर गरिसकेका छन् ।