मस्को । रुसले कब्जा गरेको पूर्वी क्षेत्र लुहान्स्कको लिसिचान्स्क सहरमा रहेको एउटा बेकरीमा युक्रेनी सेनाले गरेको गोलाबारीमा कम्तिमा २८ जनाको मृत्यु भएको छ । रूसी नागरिक रक्षा, आपतकालीन तथा प्रकोप राहत मन्त्रालयले मृतकमध्ये कम्तीमा एक बालक रहेको जनाएको छ ।

रुसी विदेश मन्त्रालयका प्रवक्ता मारिया जाखारोभाका अनुसार युक्रेनले अमेरिकाले आपूर्ति गरेको हाई मोबिलिटी आर्टिलरी रकेट सिस्टम प्रयोग गरेर भवनमा आक्रमण गर्दा दर्जनौं नागरिकहरू भवन भित्र रहेको थिए । रूसी आपतकालीन मन्त्रालयले जारी गरेको एक भिडियोमा मृत शरीरहरू फेला पारेका थिए र रगतले लतपतिएका मानिसहरूलाई एक तले भवनको भग्नावशेषबाट बाहिर निकालिरहेको देखिन्थ्यो ।

भवनमा एड्रियाटिक नामको रेस्टुरेन्ट रहेको देखिन्छ, जुन स्थानीय अधिकारीहरूले धेरै रूसीहरूलाई आकर्षित गर्नका लागि सप्ताहन्तमा ताजा बेकरी बिक्री गर्न खोजिरहेको देखिन्छ ।  युक्रेनले यस घटनाबारे आधिकारिक रूपमा कुनै प्रतिक्रिया दिएको छैन।