काठमाडौं – नेकपा एकीकृत समाजवादीको संसदीय दलको नेतामा अध्यक्ष माधव नेपाल चयन भएका छन् ।

सोमबार बसेको एकीकृत समाजवादीको बैठकले अध्यक्ष नेपाललाई सर्वसम्मत संसदीय दलको नेतामा चयन गरेको महासचिव बेदुराम भुसालले जानकारी दिए ।

त्यस्तै संसदीय दलको उपनेतामा उपाध्यक्ष राजेन्द्र पाण्डे चयन भएका छन् भने दलको सचेतकमा उप–महासचिव प्रकाश ज्वाला चयन भएका छन् ।

नेपाल रौटहट–१ बाट, पाण्डे धादिङ २ र ज्वाला सल्यानबाट प्रतिनिधिसभा सदस्यमा निर्वाचित भएका थिए । एकीकृत समाजवादीले प्रतिनिधिसभाको प्रत्यक्षतर्फ १० सिट जिते पनि समानुपातिकमा थ्रेसहोल्ड कटाउन नक्सदा एकीकृत समाजवादी राष्ट्रिय पार्टी बन्न सकेन ।