काठमाडौं – नेपाली कांग्रेस संसदीय दलको निर्वाचन पुस ६ गते बुधबार हुने भएको छ । निर्वाचन समितिका संयोजकसमेत रहेका सहमहामन्त्री भीष्मराज आङ्दम्बेले बुधबार चुनाव गर्ने गरी तयारी भइरहेको जानकारी दिए ।

बुधबार बिहान ८ बजेदेखि सिंहदरबारस्थित पार्टी संसदीय दलको कार्यालयमा निर्वाचन गर्ने गरी तयारी गरिएको छ ।

कांग्रेस केन्द्रीय कार्यसम्पादन समितिको आइतबार सानेपामा बसेको बैठकले संसदीय दलको चुनावका लागि ३ सदस्यीय निर्वाचन समिति गठन गरेको थियो ।

संसदीय दलको नेताका लागि सभापति शेरबहादुर देउवा, महामन्त्री गगन थापा र नेता शेखर कोइराला उम्मेदवार हुने सम्भावना छ ।