काठमाडौँ – नेपाली कांग्रेसका सभापति एवम् प्रधानमन्त्री शेरबहादुर देउवाले सङ्घीय लोकतान्त्रिक गणतन्त्रलाई जगैदेखि संस्थागत र सुदृढ गर्ने पालिका चुनावमाको महान् अभियानमा सहभागी भइ मतदान गर्न आह्वान गरेका छन् ।

मौन अवधि सुरु हुन केही घण्टा बाँकी रहँदा एक अपिल जारी गरेर देउवाले पालिका सङ्घीय शासन प्रणालीको आधारस्तम्भ र चुनाव लोकतन्त्रको बलियो आधार भएको बताए । मा सरकारको अनुभूति गराउने राज्य संयन्त्रको रूपमा स्थानीय सरकार भएको भन्दै उनले निरन्तर लोकतान्त्रिक सङ्घर्षको यात्रामा रहेको कांग्रेसका उम्मेदवारलाई मत दिन आग्रह गरे ।

पाँच दलीय गठबन्धनमा आबद्ध कांग्रेसका सभापति देउवाले अपिलमा कांग्रेसको रुख चिह्नका लागि मात्रै मत मागेका छन् । गठबन्धनलाई जिताउन अपिल नगरे पनि उनले संविधानलाई कुल्चेर पटक–पटक संसद् विघटन गरी अधिनायकवादी शैली प्रदर्शन गरेपछि पाँच दलीय गठबन्धन बनेको र यो चुनावमा समेत गठबन्धनलाई निरन्तरता दिनुपर्ने अवस्था भएको बताएका छन् ।