काठमाडौं – मंगलबार सुनको मुल्य बढेको छ भने चाँदीको मुल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार आज छापावाला सुनको मूल्य तोलामा ४ सयले बढेर प्रतितोला ९३ हजार २ सयमा कारोबार भइरहेको छ ।

यसअघि सोमबार छापावाला सुन तोलाको ९२ हजार ८ सयमा कारोबार भएको थियो । त्यस्तै आज तेजावी सुनको मूल्य प्रतितोला ९२ हजार ७ सय रहेको छ । त्यसैगरी आज चाँदीको मूल्य पनि तोलामा १० रुपैँयाले घटेर प्रतितोला १२८० मा कारोबार भइरहेको महासंघले जनाएको छ ।