काठमाडौँ । यसवर्ष सेतो मछिन्द्रनाथको रथयात्रा हुने भएको छ । सरकारले तोकेको मापदण्ड अनुसार यसबर्ष सेतो मछिन्द्रनाथको रथयात्रा गर्ने निर्णय गरेको हो ।

गएको वर्ष कोरोना भाइरस महामारीको कारण रथयात्रा स्थगित गरिएको थियो । सेतो मछिन्द्रनाथ रथयात्रा मूल समारोह समितिको आइतबार बसेको बैठकले यस वर्ष रथयात्रा गर्ने निर्णय गरेको हो ।

नेपाल सरकारले तोकेको स्वास्थ्य मापदण्डलाई पालना गर्ने संयोजक समितिले जनाएको छ । समितिका अनुसार यो वर्ष बैशाख ७ गतेदेखि एक साता जात्रा चल्ने भएको छ ।