बर्दिया । बर्दिया राष्ट्रिय निकुञ्जमा हात्ती चराउदै गरेका माहुतेको पाटे बाघको आक्रमणमा मृत्यु भएको छ ।

बाघको आक्रमणमा परि हात्तीसारका कर्मचारी ३१ वर्षका माउते पुलिस राम चौधरीको आज करिब साझ ५ बजे मृत्यु भएको बर्दिया राष्ट्रिय निकुञ्जले जानकारी दिएको छ।

कुरबाबा नगरपालिका बडा ९ बस्ने चौधरी बर्दिया राष्ट्रिय निकुञ्ज को गैंडा गडनामा संलग्न रहेको र सोहि क्रममा हात्तीको साथ निकुञ्जको जंगलमा रहेको समयमा बाघको आक्रमणबाट मृत्यु भएको बर्दिया राष्ट्रिय निकुञ्जका वार्डेन बिष्णु प्रसाद श्रेष्ठले बताए ।

यस क्षेत्रमा पटक पटक बाघको आक्रमणमा पछिल्लो समय एघार जनाले ज्यान गुमाइसकेका छन् ।