काठमाडौँ – अस्ट्रेलियाविरुद्धको तेस्रो टेस्ट खेलका लागि भारतीय क्रिकेट टिमको घोषणा गरिएको छ । तेस्रो टेस्टमा भारतीय टिममा रोहित शर्मा र नवदीप सैनीलाई समावेश गरिएको छ ।

रोहितले यस अघि दुई खेल खेलेका मयंक अग्रवाललाई रिप्लेस गरेका छन् । रोहितले विहिबार बिहानदेखि शुरु हुने तेस्रो टेस्टमा शुभमन गीलसँग ओपनिंग गर्ने छन् । रोहित सन २०१९ को नोभेम्बरपछि पहिलो पल्ट टेस्ट क्रिकेट खेल्न लागेका हुन् ।

त्यस्तै भारतका लागि युवा तिब्रगतिका बलर नवदीप सैनीले टेस्ट क्रिकेटमा डेभ्यु गर्ने भएका छन् ।  तिब्रगतिका बलर उमेश यादव र मोहमद सामी घाइते भएपछि सैनीले टेस्ट खेल्ने अवसर पाएका हुन् ।

अस्ट्रेलियाविरुद्ध खेल्ने भारतीय टिम : आजिख्य रहाने (कप्तान), रोहित शर्मा (उपकप्तान), शुभमन गील, चैतेश्वोर पुजारा, हनुमा विहारी, ऋषव पन्त, रविन्द्र जडेजा, आर आश्विन, जसप्रित बुमराह, नवदीप सैनी र मोहमद सिराज । 

अस्ट्रेलिया र भारतबीचको जारी सिरिजमा दुवैले यस अघि खेलिएका दुई टेस्टमा १-१ जितेर बराबरमा रहेका छन् ।