नेपाली राष्ट्रिय क्रीकेट टोलिका सदस्य सन्दीप लामिछाने सम्मिलित जमैका तलावाज पराजित भएको छ । क्यारेवियन प्रिमियर लिग (सीपीएल) अन्तर्गत आफ्नो दोस्रो खेलमा ट्रिनबागो नाइट राइडर्ससँग ७ विकेटले पराजित भएको हो ।

जमैकाले दिएको १३६ रनको लक्ष्य पछ्याएको नाइट राइडर्सले १८.१ ओभरमा मात्र ३ विकेट गुमाउँदै लक्ष्य पूरा गरेको हो । नाइट राइडर्सका लागि सुनिल नरायनले अर्धशतकिय पारी खेले उनले ३८ बलमा ७ चौका र दुई छक्कासहित ५३ रनको अर्धशतकिय पारी खेलेका हुन् ।

त्यस्तै कोरिन मुन्रोले ४६ बलको समना गर्दै ५ चैका र २ छक्का प्रहार गर्दै ४९ रनमा अविजित रहे । डरेन ब्राभोले १४ रन जोड्द कप्तान केइरोन पोलार्डले ५ रन जोडे ।

जमैकाका लागि नेपाली बलर सन्दीप लामिछानेले एक विकेट लिए । उनले चार ओभर बलिङ गर्दै ३० रन खर्चेर एक विकेट लिएका हुन् । सन्दीपको जारी प्रतियोगितामा यो दोस्रो विकेट हो । उनले आफ्नो पहिलो खेलमा पनि एक विकेट लिएका थिए । त्यस्तै मुजिद उर रहमन र एडवार्डले एक एक विकेट लिएका थिए ।

यसअघि ब्रायन लारा क्रिकेट स्टेडियमा टस हारेर पहिले ब्याटिङको निम्तो पाएको जमैकाले २० ओभरमा ८ विकेट गुमाउँदै १३५ रन जोडेको थियो । खराव सुरुवात गरेको जमैकाका लागि ग्लेन फिलिप्सले अर्धशतकिय पारी खेले । उनले ४२ बलको समना गर्दै ५ चौका र ४ छक्कासहित ५८ रनको पारी खेले ।

त्यस्तै एन्र्डु रसेलले २५, असिफ अलि २२ र रमाल लुइसले १५ रनको योगदान दिदा अन्य ब्याट्सम्यानले दोहोरो अंकमा रन जोड्न सकेनन् । उसका ओपन चान्डविक वाल्टोन र निकोलस र्किटोनले शुन्य रनमा आउट भएका थिए ।

नाइट राइडर्सका लागि अलि खान र सेअलेसले दुई तथा नरायने, फवाद अहमद र ब्राभोले एक एक विजेट लिए ।