जर्मन क्लब आरबी लाइप्जिग युईएफ च्याम्पिन्स लिगको सेमिफाइनलमा प्रवेश गरेको छ । गएराति भएको खेलमा एट्लेटिको मड्रिडलाई २–१ गोल अन्तरले पराजित गर्दै लाइप्जिगले सेमिफाइनलमा स्थान सुरक्षित गरेको हो । लिस्बनमा भएको क्वाटरफाइनलमा पहिलो हाफ गोलरहित बराबरीमा सकिएको थियो ।

लाइप्जिगले ड्यानी ओल्मोको गोलमा ५० औं मिनेटमा अग्रता लिएको थियो । तर वैकल्पिक खेलाडी जोआओ फेलिक्सले एटलेटिकोलाई खेलमा फर्काएका थिए । उनले पेनाल्टी मार्फत गोल गरेका हुन् ।

तर, निर्धारित समयको खेल सकिन अन्तिम २ मिनेट बाँकी रहँदा लाइप्जिगले फेरि अग्रता बनायो । उसका लागि टाइलर एडम्सले गोल गरेपछि २–१ को अग्रता लिन सफल भयो । त्यसपछि थप गोल नभएपछि लाइप्जिग सेमिफाइनलमा पुग्न सफल भयो । सेमिफाइनलमा फ्रान्सेली पीएसजीसंग खेल्ने छ ।